सदस्यता

सदस्यता

विवेकशील साझा पार्टीको सदस्यता फारममा उल्लेखित शर्त पूरा गरेका र १८ वर्ष उमेर पुगेका नेपाली/गैर आवासीय नेपाली नागरिकले वार्षिक सदस्यता शुल्क बुझाएर विवेकशील साझा पार्टीको सदस्यता लिन सक्नेछन्।

देशका सबै क्षेत्रहरूमा हाम्रा इकाईहरू निर्माण भएपछि स्थानीयस्तरमै सदस्यता लिने व्यवस्था मिलाइने छ तर हाललाई भने तपाईं हाम्रो प्रदेश कार्यालय स्थापना भएका ठाउँहरूमा ती कार्यालयमा सम्पर्क गरेर, अनलाइन फारम भरेर या सीधै हाम्रो केन्द्रीय कार्यालयमा आएर सदस्यता ग्रहण गर्न सक्नुहुनेछ। विवेकशील साझा पार्टीको संयोजकको हस्ताक्षरसहितको स्वयंसेवी कार्ड बोकेका सहयोगीहरूले पनि तपाईंलाई सदस्यता दिलाउन मद्दत गर्न सक्नेछन्।

नेपाल भित्रबाट अनलाइन सदस्यता फारम भर्नुभएको खण्डमा सोही फारममा वार्षिक सदस्यता शुल्क (रू १००) ब्याङ्कमा दाखिला गरेको भौचर या ईसेवाबाट शुल्क तिरेको प्रमाणको फोटो खिचेको प्रतिलिपी फारमसँगै अट्याच गरेर हामीलाई पठाउन सक्नुहुनेछ। सदस्यता शुल्क तिरेको रसिद अट्याच नभएको खण्डमा हामी सदस्यता प्रदान गर्न असमर्थ हुनेछौं। सबै विवरण प्राप्त भएपछि हामी सदस्यता रसिद तपाईंको इमेलमा पठाउनेछौं।

नेपाल बाहिरबाट सदस्यता लिँदै हुनुहुन्छ भने तल उल्लेखित शुल्क जानकारी हासिल गरेपछि सो भुक्तान गर्न सुझाइएका उपायहरू अवलम्वन गर्न सक्नुहुनेछ:

१. आफू बसिरहेको देशको आधारमा सदस्यता शुल्क अर्धवार्षिक (जुन ३० र डिसेम्बर ३१ सम्म) वा वार्षिकरुपमा डिसेम्बर ३१ सम्ममा बुझाइ सक्नुपर्छ। विभिन्न राष्ट्रमा बस्दै आउनु भएका विवेकशील साझा पार्टीका शुभेच्छुकहरुबाट प्राप्त सुझाव अनुरुप हाललाई निम्न बमोजिम सदस्यता शुल्क कायम गरिएको छ।

 

देश शुल्क
युरोलाई राष्ट्रिय मुद्रा मान्ने युरोपेली देशहरु प्रति वर्ष ६० युरो
संयुक्त अधिराज्य प्रति वर्ष ५० पाउन्ड
अमेरिका, क्यानडा, अष्ट्रेलिया, न्युजिल्यान्ड तथा सिंगापुरा (संबन्धित देशको मुद्रामा) प्रति वर्ष ६० डलर
जापान, दक्षिण कोरीया, ब्रुनई प्रति वर्ष नेरु ६,०००
कतार, युएई, साउदी अरबिया लगायतका खाडी राष्ट्रहरू प्रति वर्ष नेरु १,०००
मलेसिया प्रति वर्ष नेरु १,०००
भारत लगायतका दक्षिण एशियाली राष्ट्रहरू प्रति वर्ष नेरु ५००
अन्य देशहरु मुख्यालयसँगको छलफलको आधारमा

 

सदस्यहरूले सदस्यता शुल्क बाहेको आर्थिक सहयोग पनि गर्न सक्नेछन् भने सदस्यता लिन नचाहने या नमिल्ने शुभेच्छुकहरूले आर्थिक सहयोग मात्र पनि गर्न सक्नेछन्।

 

२. नेपालस्थित कुनै बैंकमा तपाईंको खाता छ भने, eSewa मा गएर तपाईंले आफूलाई रजिस्टर गरी सीधै विवेकशील साझा पार्टीको खातामा सदस्यता शुल्क भुक्तान गर्न या आफूले चाहेको रकम जम्मा गर्न सक्नुहुनेछ। ईसेवामा रजिस्टर गरेपछि रकम ट्रान्सफर गर्न यो (९८५१२५३००१) नम्बर या यो ईमेल (funds@bibeksheelsajha.org) प्रयोग गर्नुहोला।

३. नेपालमा तपाईंको बैंक खाता छैन भने, तपाईं नेपालमा रकम पठाउने कुनै पनि वैध (सम्बन्धित देशमा स्वीकृतिप्राप्त) मनि ट्रान्सफर एजेन्सीबाट हामीलाई रकम पठाउन सक्नुहुनेछ। त्यसरी रकम पठाउँदा तपाईंले सो एजेन्सीलाई सीधै हाम्रो खातामा रकम दाखिला गर्न अनुरोध गर्न सक्नुहुन्छ।

 

खातावालाको नाम: विवेकशील साझा पार्टी

एकाउण्ट नम्बर: ०२९०१०४०२५६३६०

बैंक: नेपाल इन्भेष्टमेण्ट बैंक

शाखा: धुमबाराही, काठमाडौं

 

तर सो एजेन्सीले भौचर भर्दा ‘रकम जम्मा गर्नेको नाम’मा मनि ट्रान्सफर एजेन्सीको नाम नभई चन्दादाता (तपाईं) को नाम उल्लेख गर्नुपर्नेछ। रकम जम्मा भएको जानकारी तपाईंले हामीलाई ०१-५५३६०६२ या ९८५१२५३००१ मा फोन अथवा funds@bibeksheelsajha.org मा इमेल गरेर दिनु पर्नेछ। यसबारे अन्य प्रश्न भए हामीलाई ०१-५५३६०६२ या ९८५१२५३००१ मा फोन गर्न सक्नुहुनेछ।

४. नेपालमा रहेका तपाईंका परिवारका सदस्य, आफन्त या साथीभाइलाई अनुरोध गरेर पनि तपाई सदस्यता शुल्क र अन्य आर्थिक सहयोग गर्न सक्नुहुनेछ। त्यसका लागि उहाँहरूले ०१-५५३६०६२ या ९८५१२५३००१ सम्पर्क गर्नुपर्नेछ।